برئے برئے من استاد عبدل مجید گوادری ءِ دگ ءَ گوزگ ءَ باں دریا ءَ گنداں چاراں دریا سک ملور ملور انت منا انچو سماء بیت کہ دریا ابیتک انت دریا بیچاڈ انت...
منا انچو گمان بیت دریا زندان انت او من هم انچو ماریتگ گشے دریائے چاریں نیم بستگ اَنت ءِ نزان ءَ پرچہ دریا زندان کتگ ئے ءِ بلکیں ائے نوک آئونکیں مردماں دریا ئے کرا ترسیت یا کہ دریا ءَ نگبتءَانچیں گپ ئے جتگ کہ اشاں دریا زندان کتگ
نوں من وهدئے بازار ءَ رواں منی دل نہ گُیشت دریا ءَ بچار چی ءَ کہ وهدئے من دریا ءَ چاراں منا سید هاشمی ءُ استاد عبدالمجید گوادری ءِ گوادر یات کیت
هما گوادر کہ مہرودوستی دورجاه بیتگ هما گوادر کہ اودءَ وت ماں وتی بیتگ من هما گوادر یات کیت هما دریا کہ مدام گل ءُ شات بیتگ دپی پر ءِ بچکندگ بیتگ منا هما دریا کہ مدام مجید َ نشتگ همیشی لمب ءَ وتئ واری ءِ داستان الہان کتگ ات ائے هما دریا اِنت کہ ادءَ سیدئے ءِ هانل پاد ششتگ انت
همے کہ مجید ءُ سید ءَ ائے کوڈایں وگنیا یل کتگ همائیں دریا همے وڈ انت نو منا دریائے دپ ءَ نندگ ترسیت منا هم ملور مکنت پرچی ءَ دریائے ملوری گوں من سگگ نہ بیت بلے مرچی هما دریا کہ مید ءُ ناهدانی است ءُ نیست بیتگ مرچی همے دریائے مید پہ دو دانگ لوجر ءَ تلوسگ ءَ انت دریا نوں لڈگ لوٹیت کہ ادءَ دریا ءَ کس مہر ندنت دریا چہ مہر ءَ زبار انت
نبشتہ کار ادنان ھمدرد
